Brainster Next

Brainster Next факултет - акредитирана високообразовна институција за додипломски студии во областа на ИТ и дигиталните технологии. Brainster Next факултет ќе понуди додипломски студии во доменот на најдинамичните и најбрзорастечките индустрии – информатичките и дигиталните технологии. Преку 3 годишните студии, идните студенти ќе се стекнат не само со диплома за завршено високо образование, туку и со вистинските вештини и знаења потребни за најбараните професии на денешницата а и иднината. Студиските програми се креирани во согласност со глобалните истражувања и проекции за работните места на иднината, додека пак едукативниот процес ќе се одвива според интернационална методологија, преку високо-технолошки и дигитални алатки за примена на стекнатите вештини во текот на учењето. Brainster Next факултетот е основан од страна на етаблираниот лидер во неформалното образование – Brainster, кој преку своите академии, курсеви и обуки во последниве 6 години успешно им помогна на над 10.000 лица да се дообразуваат и преквалификуваат. Доказот за квалитетот и успехот на Бреинстер е во бројките – над 80% од студентите на академиите се вработени во компании кои се лидери во својата област. Нашата мисија е овој успех, да го пресликаме и во формалното образование. Ние го менуваме образованието, за Вие да го промените светот!