Coregal Reciclados de Galicia

Coregal é un dos 11 centros especiais de emprego de iniciativa social de COGAMI Empresarial que promove a sostibilidade a través da reciclaxe de residuos. Somos especialistas en ofrecer a concellos, empresas e particulares, a total tranquilidade de que os seus residuos son xestionados de maneira óptima e sostible, cumprindo con todas as normativas vixentes e achegando valor engadido desde o punto de vista ambiental. Encargámonos tanto da recollida como da súa posterior clasificación. Desta forma, reducimos o seu volume para o mellor tratamento posible no seu destino final. Un motor de crecemento que xerou 200 postos de traballo, onde o 90% do persoal son persoas con discapacidade. Coregal conta con catro ecoplantas en Santiago de Compostela, Boiro, Carballo e Mos. Ademais xestiona 11 puntos limpos.