Еко Герила Преспа

Здружението за заштита на животната средина ЕКО ГЕРИЛА ПРЕСПА - Ресен е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економски развој на територијата на Република Северна Македонија и пошироко, а во согласност со Уставот и Законот. Со својата активност членовите на Здружението за заштита на животната средина ЕКО ГЕРИЛА ПРЕСПА Ресен треба да дадат позитивен пример и насока во која треба да се движат сите граѓани, кога имаат за цел да остварат некое свое право или да побараат од локалната самоуправа остварување на нивните права, пред сѐ во областа на заштита на здравата животна средина и на унапредување на условите во кои живеат и работат. Визијата на Здружението е: Да ја подигнеме граѓанската свест за активно учество во процесите кои се од особена важност за подобрување на функционирањето на јавните претпријатија на ниво на Општината и вклучување на граѓаните како битен фактор за подобрување на квалитетот на животната средина во рамките на истата. Мисијата на Здружението е: Да се работи на активирање на граѓаните и подигање на нивната свест дека се активни чинители на општествените промени и на придонесот кон промените за подобрување на квалитетот на животната средина и на целокупното живеење. Стратешки цели на Здружението: - Мотивирање на локалното население за активно учество во промените; - Правилно адресирање на локалните проблеми до надлежните институции.