Фондација за развој на мали и средни претпријатија - Струмица

Фондацијата за развој на мали и средни претпријатија – Регионален центар Струмица е дел од мрежата на пет регионални бизнис информативни и советодавни центри за МСП кои се основани во текот на 1999 година согласно Интегрираната програма за развој на МСП со финансиска и техничка помош од страна на ЕУ, со основна цел да им помогне на потенцијалните и постојни мали и средни претпријатија. Основна цел на РЦ-Струмица е да работи партнерски со сите останати институции со цел да обезбеди совети, информации, семинари, обуки и сл. на постојните и потенцијални претприемачи; да состави податоци за претпријатијата во регионот т.е. бизнис профил; да овозможи работење во мрежа помеѓу МСП во регионот, на пошироката територија на Македонија и во странство; да помогне во изнаоѓање на партнери, машини, опрема, суровини и сл; да работи на проекти од разни донатори и понатаму да го развива и проширува асортиманот и пазарот на услуги кои ги обезбедува.