nulta.mk

Портал што потекнува од чиста љубов, инспириран и создаван од пријатели и меѓу пријатели. Се договоривме дека Нулата ќе опфаќа многу теми, ќе мобилизира многу луѓе, ќе држи отворена врата за секоја тема, иницијатива, добра намера. Се‘ што знаеме да биде напишано, сите што знаат – да пишуваат! Пријатели на новините и новинарството, фотографи, учени и приучени готвачи, оние што патуваат, што ги интересира филмот, театарот, книгата, модата, трендовите. Оние што сакаат да шетаат по продавници, да готват и да дегустираат, да читаат, иноватори, производители, угостители. Сите може да се дел од Нулта. Оние што грешат треба да бидат предупредени, лошите луѓе треба да бидат казнети, оние што ги срамат другите треба да бидат ставени на столбот на срамот. Сакаме, оние што цртаат да ни цртаат, дизајнерите да дизајнираат. Сакаме да пишуваме за креаторите на накит, за заборавените симболи на градот, за луѓето што се во другите градови а ги обележуваат нашите животи. Независни. Антиестаблишменти. Авангардни. Амбициозни. Необични. Има толку добри нешта за кои треба да се зборува. Има толку добри луѓе за кои треба да се пишува. Живееме во толку голема земја колку што сака да биде, со големи луѓе доколку сакаат такви да бидат. Што би рекол Горан Стефановски. Се‘ е можно и се‘ е бескрај. Каков крај. Нема крај. Се‘ е бескрај… Почни од нул(Т)а и оди до бескрај.